பிரக்ஞையற்றுப் போகும் நிலம்
பாட்டன் முப்பாட்டன் காலத்தில்
மொச்சை தட்டை துவரை அவரை
கத்தரி இஞ்சி மஞ்சள் புடலை
கருணை சேப்பம் சவாரி கிழங்கு
பரங்கி பூசணி சுரை பாகல்
மல்லி மிளகாய் தக்காளி பப்பாளி
நாரத்தை எலுமிச்சை மாதுளம்
சீத்தா என்று
எவ்வளவோ விளைவித்துத் தந்திருக்கிறது
நிலம்
பாட்டன்களும் முப்பாட்டன்களும்
காலமான பிறகு
அப்பன்கள் காலத்தில்
நெல்லும் உளுந்தும் பயிறும்
தவிர்த்து
வேறு அறியா நிலங்களாயின
மகன்கள் காலத்தில் அதுவுமின்றி
கட்டடங்களும் கழிவு நீரும்
தவிர
வேறு அறியா நிலங்களாயின
பேரன்கள் காலத்தில்
எதுவும் அறியா நிலங்களாகலாம்
எது பற்றியும் கவலையின்றி
கட்டடங்கள் மேலும் ஒரு விதை
எல்லா காலத்திலும் முளைக்கத்தான்
செய்கிறது
நிலம் குறித்த பிரக்ஞையின்றி
*****
No comments:
Post a Comment