ஒரு கணமேனும் ஏன் உணர்ந்து கொள்ளக் கூடாது

ஒரு கணமேனும் ஏன் உணர்ந்து கொள்ளக் கூடாது

இந்தக் கணத்தை

இனிமையாக்க

எதுவும் செய்வதற்கில்லை

ஏனென்றால்

இந்தக் கணமே

இனிமையாகத்தான் இருக்கிறது

இனிமையாக இருக்கும் இனிமை

எப்போதும்

இனிமையாகத்தான் இருக்கிறது

உருவாக்கப்படும் இனிமைகள்

ஒரு கணத்தில்

திகட்டிப் போகின்றன

இனிமையாக ஏதோ ஒன்று கேட்பதற்கு முன்

இனிமையாக இருப்பதைப் பார்

இனிமையற்று ஏதுமில்லாத போது

நீ எப்படி இனிமையைக் கேட்க முடியும்

இனிமைக்குள் இருந்து கொண்டு

இனிமையைக் கேட்பாயானால்

உன்னை என்ன சொல்வது

உன்னைச் சுற்றியிருக்கும் இனிமையை

உணர்ந்து கொள்

யாரிடமும் போய் நின்று

இனிமையை யாசித்துக் கொண்டிராதே

இல்லாததை யாசிப்பதில் நியாயமுண்டு

இருப்பதை யாசிப்பதில் என்ன உண்டு

உன்னை அறியாமல் ருசித்துக் கொண்டிருக்கும்

இனிமையை

அறியத்தான் வேண்டும் என

அடம் பிடிப்பதற்கு முன்

ஒரு கணமேனும்

நீயேன் உணர்ந்து கொள்ளக் கூடாது

*****