அப்பாவுக்கு எல்லாம் தெரியும்

அப்பாவுக்கு எல்லாம் தெரியும்

அப்பாவுக்குக் குடிக்கத் தெரியும்

அப்பாவுக்குப் புகை பிடிக்கத் தெரியும்

அப்பாவுக்குக் கெட்ட வார்த்தைகள் பேசத் தெரியும்

அப்பாவுக்கு போகாத இடமெல்லாம் போகத் தெரியும்

அப்பாவுக்கு வயிறு முட்ட சாப்பிடத் தெரியும்

அப்பாவுக்கு அம்மாவை அடிக்கத் தெரியும்

அப்பாவுக்கு எங்களையும் அடிக்கத் தெரியும்

அப்பாவுக்குக் காவல் நிலையத்தில்

அம்மணமாய்க் கிடந்து அடி வாங்கத் தெரியும்

அப்பாவுக்குத் தப்பு செய்து சரண்டர் ஆகத் தெரியும்

அப்பாவுக்கு எப்போதாவது

எங்கள் மீது அன்பு காட்டத் தெரியும்

அன்பு காட்டும் நேரங்களில்

உடைந்துப் போய் அழவும் தெரியும்

அப்பாவுக்கு எல்லாம் தெரியும்

*****