எல்லோரும் குளித்த நீர்

எல்லோரும் குளித்த நீர்

நாம் எல்லோரும் குளித்த நதியின் நீர்

இந்தக் கடலில்தான் கலந்திருக்கிறது

நாம் குளித்த அந்த நீரை

மீன்கள் பருகியிருக்கலாம்

மேகங்கள் கொத்தாக அள்ளியிருக்கலாம்

மீண்டும் பொழிந்து வந்த மழைநீர் பெருக்கெடுத்த

நதியின் நீரில் நாம் குளித்த நீர் இருந்திருக்கலாம்

நாம் குளித்த நீரில் மீண்டும் நாம் நீராடியிருக்கலாம்

நீராடிய நீர் கடல் சேர்ந்திருக்கலாம்

கடல் சேர்ந்த நீர்

மீண்டும் நம்மைக் குளிப்பாட்ட வந்து கொண்டிருக்கலாம்

*****