சிறிதில் துவங்கும் பெரிதின் சூட்சமம்

சிறிதில் துவங்கும் பெரிதின் சூட்சமம்

முதல் அடி முக்கியம்

துவங்காமல் ஆரம்பமாவது எது

ஆயிரம் இலைகளைப் பரப்பியிருக்கும் மரம்

முதல் இலை துளிர் விட

ஒவ்வொரு இலையாய் முளைக்கத் தொடங்கியிருக்கும்

ஏற்றப்படும் ஒவ்வொரு விளக்குக்கும்

மரியாதை கொடுத்து விலகுகிறது இருள்

எடுத்து வைக்கும் ஒற்றைச் செங்கல்லிருந்து

உருவாகின்றன பிரமாண்ட கட்டிடங்கள்

ஒவ்வொரு துளியாய் விழுந்து

வெள்ளமாய் பெருக்கெடுக்கிறது மழை

சிறு சிறு இழைகளைப் பிணைத்துக் கொண்டு

வலுவான கயிறு பிரசவம் ஆகிறது

ஆயிரம் பக்கம் நீளும் கதை

ஒவ்வொரு எழுத்தாக விரியத் தொடங்குகிறது

சிறிதே பெரிதாகிறது

துளியே உயிராக உருவாகிறது

சிறிய துவக்கத்தில் இருக்கிறது

பெரிய காரியங்கள் சூட்சமம்

*****