நாவில் ஒளிந்திருக்கும் பிரச்சனைகள்

நாவில் ஒளிந்திருக்கும் பிரச்சனைகள்

உடல் பருமன் பற்றி மிகவும் கவலைப்பட்டாய்

உணவைக் கொட்டி உன்னைப் பெருக்க வைப்பதாய்

உன்னைச் சுற்றியுள்ளவர்கள் பற்றிப் புகார் சொன்னாய்

ஒவ்வொரு நாளும் உடற்பயிற்சி செய்யும் நேரத்தை

விழுங்கி ஏப்பமிடுவதாக எரிச்சல் பட்டுக் கொண்டாய்

என்றோ ஒரு நாள் சர்க்கரையோ மாரடைப்போ

வந்து சேரப் போகிறதென்று புலம்பித் தள்ளினாய்

எதுவும் சொல்லாமல் அமைதியாகக் கேட்டுக் கொண்டிருந்த

என்னைப் பார்த்து

உன்னிடம்தான் சொல்கிறேன் செவிடா என்று கத்தத் தொடங்கினாய்

நான் ஏதாவது சொல்ல வேண்டும் என்று

நீ எதிர்பார்ப்பது புரிந்ததும்

என் நாக்கு உன் காதுகளிடம் சொன்னது

உன் பிரச்சனை மொத்தமும்

உன் நாவில் ஒளிந்திருக்கிறது

*****