ஒவ்வொரு முறையும் உற்றுப் பார்த்துக் கொண்டேயிரு

ஒவ்வொரு முறையும் உற்றுப் பார்த்துக் கொண்டேயிரு

நீ அவமானப்படுத்தப்படலாம்

அதற்கான வாய்ப்புகள் உலகில் நிறைய இருக்கின்றன

அசிங்கப்படுத்தப்படுவதற்கான

சாத்தியக்கூறுகளும் நிறைய இருக்கின்றன

தாழ்த்தப்படுத்தப்படுவதற்கான காரணங்களும்

நிறைய வகுத்து வைக்கப்பட்டு இருக்கின்றன

உலகில் உனக்கு எது நடந்தாலும்

உற்றுப் பார்த்துக் கொண்டே இரு

உலகம் எப்படி இயங்குகிறது என்பதை

உற்றுப் பார்த்துக் கொண்டே இரு

உலகம் உன்னை எப்படி இயக்க நினைக்கிறது என்பதை

உற்றுப் பார்த்துக் கொண்டே இரு

உலகம் உனக்கு எதைச் செய்தாலும்

ஒரு புன்னகையை வீசி விட்டு

உற்றுப் பார்த்துக் கொண்டே இரு

அதை ஒருபோதும் நிறுத்தி விடாதே

அவமானத்திற்கு அஞ்சி

நிலை குழைந்து விடாதே

உற்றுப் பார்த்துக் கொண்டேயிரு

அசிங்கத்திற்குத் தயங்கி

பின்வாங்கி விடாதே

உற்றுப் பார்த்துக் கொண்டிரு

தாழ்வுக்கு அடிபணிந்து

தலை குனிந்து விடாதே

உற்றுப் பார்த்துக் கொண்டேயிரு

நீ என்ன செய்ய வேண்டும் என்பதை அது சொல்லும்

நீ உற்றுப் பார்ப்பதைத்தான் தடை செய்கிறார்கள்

என்பதைப் புரிந்து கொண்டு

ஒவ்வொரு முறையும் உற்றுப் பார்த்துக் கொண்டிரு

உற்றுப் பார்த்துக் கொண்டேயிரு

*****