நீ என்பது உன் மனதின் பிரதிபலிப்பு
இந்த உலகம்
உன் மன பிரதிபலிப்புகளால்
ஆனது
இந்த வாழ்க்கையை
நானே தீர்மானிக்கிறேன் என்கிறாய்
உன் மன எதிரொளிப்புகளை
நீ என்று நம்பிக் கொண்டிருக்கிறாய்
நீ அமைதியில்லை எனப் புலம்பும்
போது
உன் மன பிம்பங்கள் ஒவ்வொன்றும்
உடைந்து உடைந்து முடிவிலியாய்
உடைந்ததைப் பிரதிபலித்துக்
கொண்டிருக்கிறது
உறங்கினால் மட்டும் என்ன
உன் மனம் கனவுகளில்
எதிரொளிப்புகளைத் தொடர்ந்து
கொண்டிருக்கிறது
பிரதிபலிக்காத மனம் கிட்டுமா
என்கிறாய்
அதன் பேர் ஞானம் என்கிறார்கள்
அதன் பிறகு நீ எதையும் எதிரொளிப்பதில்லை
நீயொரு சூன்யமாகி விடுகிறாய்
சும்மா இரு என்பது உனக்கல்ல
உன் மனதின் எதிரொளிப்புகளுக்கு
உன் மனம் செத்து விட்டால்
உனக்கேது பிரதிபலிப்பு
நான் என்பது தெறித்து விழும்
போது
நீ செத்து விடுகிறாய்
நீ என்பது உன் மனதின் பிரதிபலிப்பு
*****
No comments:
Post a Comment