மனநாயின் வேட்டையும் ஆறுதலும்
ஏதோ ஓர் ஆறுதல்
எங்கேனும் கிடைத்தால்
ஒரு கறித்துண்டு அளவுக்கு
வாங்கிப் போடுங்கள்
இந்த மன நாய்
தின்று விட்டு அமைதி அடையட்டும்
ஒரு சிறு கறித்துண்டுக்காக
மனநாய் நடத்தும் வேட்டை இருக்கிறதே
அது கிடைத்து விட்டால்
ஞான வெளிச்சம் தரும்
கம்பத்தின் அடியில்
சிறுநீர் கழித்து விட்டு
நிசப்தமான நள்ளிரவில்
நான்கு பேரின் நல்ல தூக்கத்தை
குரைத்துக் கெடுத்து விட்டு
நிம்மதியாகப் படுத்துக் கொள்ளும்
மனிதரின் மனக்கறியைத் தேடித் தின்னும்
மனநாய்
*****
No comments:
Post a Comment