என்னோற்றான் கொல்
அப்பா விவசாயம் பார்த்தார்
பி.இ. படிக்க வைத்தார்
மகனையும் விவசாயம் பார்க்க
வைக்க
*****
ஒரு கவர்ச்சி நடிகை நழுவி ஓடுகிறாள்
எவ்வளவு சாத்தியங்கள்
ஒவ்வொரு சாத்தியங்களும்
நழுவி நழுவி ஓடுவதில்
அவ்வளவு கவர்ச்சி
*****
அதாகப்பட்டது
அது சேவை என்கிறார்கள்
ஆனால் கட்டணம் கேட்கிறார்கள்
சேவைக்கு எதற்கு கட்டணம்
என்றால்
அது சேவைக் கட்டணம் என்கிறார்கள்
*****
No comments:
Post a Comment