வெளிச்சத்தை அறுக்கும் பூச்சிகள்
விளக்கைப் போடுகிறேன்
வெளிச்சத்தை அறுத்தெடுப்பது
போன்ற
ரீங்காரத்தோடு
பூச்சிகள் பறக்க தொடங்குகின்றன
இரவுகள் பூச்சிகளுக்கானவை
அறுபடும் வெளிச்சத்தின்
குருதி சுவை பிடிக்காது
இரவின் திரையை இறக்குகிறேன்
இருள் சூழ்ந்ததும்
தட்டுப்படும் வெளிச்சக் கீற்றின்
தடம் தோய்ந்த திசை நோக்கி
இன்னொரு விளக்கைப் போடுபவனைத்
தேடி
ஓடுகின்றன பூச்சிகள்
இரவின் கருப்போடு
உறங்கத் தொடங்குகிறேன்
கனவுகளில் பறக்கத் தொடங்குகின்றன
பூச்சிகள்
கனவின் விளக்கைப் போட்டது
யாரோ
*****
No comments:
Post a Comment