மாற்றம் குறித்த ஒரு விமர்சனம்

மாற்றம் குறித்த ஒரு விமர்சனம்

அவர் மனநிலை எப்போது எப்படி இருக்குமோ

அப்படி மாறிக் கொள்கிறார்

அவர் மாறிக் கொள்வதும்

மாறாமல் இருப்பதும் அவர் இஷ்டம்

நீங்கள் சொல்வதும் நியாயம்தான்

உங்கள் விருப்பப்படி மாறிக் கொள்ளும்

உங்களை எப்படி விமர்சிக்க முடியும்

அப்படி விமர்சித்தால்

என் விருப்பப்படி நான் மாறிக் கொள்வதை

நீங்கள் விமர்சிக்கக் கூடும்

என் விருப்பப்படி மாறிக் கொள்ளும் என்னை

நீங்கள் விமர்சிக்காமல் இருக்க

உங்கள் விருப்பப்படி மாறிக் கொள்ளும் உங்களை

விமர்சிக்காமல் இருப்பது நல்லது

இருப்பினும் இதில் ஒன்று இருக்கிறது

நீங்கள் மாறிக் கொள்ளும் அவரைப் பற்றிய

உண்மையைத் தெரிந்து கொள்ள வேண்டும்

கடவுள்தான் சாத்தானாக மாறிக் கொள்கிறார்

சாத்தான்தான கடவுளாக மாறிக் கொள்கிறார்

*****