எல்லாம் என் பூனைகள்

எல்லாம் என் பூனைகள்

குட்டிகளை வாயில் கவ்விக் கொண்டு அலையும்

பூனைகள்

எப்படியோ உன்னை ஞாபகப்படுத்தி விடுகின்றன

எலிகள் தின்பதற்கான நெல் இல்லாத வீட்டில்

கருவாட்டு வாசனைக்கு

ஏங்கும் பூனையைப் போன்ற தவிப்பு எனக்கு

தெருவெங்கும் ஓடும் பெருச்சாளிகள் குறித்த

கவலையேதுமின்றி படுத்துக் கிடக்கிறது

பரண்மேல் பத்திரமாக என் வீட்டுப் பூனை

என் வீட்டுப் பூனையின் துணை தேவையில்லாமல்

போய் விட்டது

குட்டி ஈன்று விட்ட பக்கத்து வீட்டுப் பூனைக்கு

ஒவ்வொரு பூனையும் ஏன் அலைகிறது

ஏன் உறங்கிக் கொண்டே இருக்கிறது

திடீரெனக் கண்ணில் படாமல் போகிறது

அங்கும் இங்கும் ஓடித் தொலைகிறது

விழிகள் மருளும் மற்றம் உருளும்

பூனைகளின் இயக்கத்தின் நோக்கம்தான் என்ன

எனக்கொன்றும் புரிந்தபாடில்லை

எல்லாம் என்னுடைய மனப்பூனைகள்தான் என்ற போதிலும்

*****