பத்திலக்க எண்ணைக் கடன் வாங்குதல்
துவக்கம் எப்படியோ
முடிவும் அப்படித்தான் இருக்கும்
போலிருக்கிறது
தவணைத் தொகையில்
அலைபேசி வாங்கிய காலந்தொட்டு
கடன் வாங்கச் சொல்லி அழைத்தார்கள்
கடன் வாங்கிய பிறகு
கடனைக் கட்டச் சொல்லி அழைத்தார்கள்
ஏனிப்படி என்று நிதானமாக
யோசித்துப் பார்த்த போது
அலைபேசி இல்லாத காலத்தில்
நான் கடன் வாங்கியிருக்கவில்லை
தொலைபேசியில் அழைத்துக் கூட
யாரும் எனக்கு எந்தக் கட்டளையும்
இடவில்லை
அலைபேசியை வாங்கிய அந்த நேரத்தில்
நான்தான் உணராமல் இருந்திருக்கிறேன்
பத்திலக்கத்தில் ஓர் எண்ணை
கடன் வாங்கியிருக்கிறேன்
*****
No comments:
Post a Comment