கனக்கச்சிதமற்ற அன்புக்கான ஏற்பாடுகள்

கனக்கச்சிதமற்ற அன்புக்கான ஏற்பாடுகள்

நீங்கள் கனக்கச்சிதத்தை எதிர்பார்ப்பவர்கள்

உங்களுக்கு நான் கனக்கச்சிதம் அல்ல

எனக்கு நீங்கள் கனக்கச்சிதம் அல்ல

மேலும் உங்களுக்கும் எனக்கும்

அவரவர் துணைவரோ

அவரவர் நண்பர்களோ

அவரவர் உறவினர்களோ

கொஞ்சம் கூட கனக்கச்சிதம் அல்ல

யாருக்கும் யாரும் கனக்கச்சிதம் அல்ல

அவ்வளவு ஏன்

கையின் விரல்களோ கால்களின் விரல்களோ

ஒன்றுக்கொன்று கனக்கச்சிதம் அல்ல

மரங்கள் ஒன்றுக்கொன்று கனக்கச்சிதம் அல்ல

விலங்குகள் ஒன்றுக்கொன்று கனக்கச்சிதம் அல்ல

பறவைகள் ஒன்றுக்கொன்று கனக்கச்சிதம் அல்ல

யாதும் யாதொன்றுக்கும் கனக்கச்சிதம் அல்ல

கனக்கச்சிதம் என்பதில் என்ன இருக்கிறது

ஒரே மாதிரியாக நகலெடுப்பதில் என்ன இருக்கிறது

கனக்கச்சிதமற்ற ஒவ்வொன்றிடமும்

கனக்கச்சிதமற்று அன்பு செய்ய

எவ்வளவோ வாய்ப்புகளிருக்கிறது

எத்தனையோ வழிகளிருக்கிறது

கனக்கச்சிதமற்றதாய் இந்த இயற்கை ஒவ்வொன்றையும்

கனக்கச்சிதம் என்பதைக் கடந்து அன்பு செய்ய

எவ்வளவு கனக்கச்சிதமாக படைத்து வைத்திருக்கிறது

*****