தொடர்பு எல்லைக்கு அப்பால் இருக்கும் அன்பு

தொடர்பு எல்லைக்கு அப்பால் இருக்கும் அன்பு

பிரிவுத்துயரைச் சொல்லும் வார்த்தைகளில்

கண்ணீரைப் பிரசவித்தபடி

நம்மை எப்போதும் இணைத்தபடி இருக்கும் என்று

கையிலிந்த அலைபேசியைத் திணித்தாய்

வார்த்தைகளை நம்பி விடைகொடுத்த எனக்கு

நீ தந்த அலைபேசி

அழைக்க நினைக்கும் போதெல்லாம்

வாடிக்கையாகச் சொல்கிறது

நீங்கள் தொடர்பு கொள்ள நினைக்கும் வாடிக்கையாளர்

தொடர்பு எல்லைக்கு அப்பால் இருக்கிறார்

நல்லது அப்படியே இருக்கட்டும்

தொடர்பு எல்லைக்கு அப்பால் போவதற்கு முன்

நீயென்னை ஒரு முறை அழைத்திருக்கக் கூடாதா என்னன்பே

*****