புத்தராகி விட்ட பெண்மரங்கள்

புத்தராகி விட்ட பெண்மரங்கள்

எவ்வளவு சுயநலம் இந்த மனிதருக்கு

பழமாய்த் தின்ன நினைக்கிறார்

அவர் தின்ன நினைப்பதற்காகப் பழுக்க வேண்டும்

அதற்கு முன் காய்க்க வேண்டும்

அதற்கு முன் பூத்திருக்க வேண்டும்

அதற்கு முன் செடியாய்த் தழைத்திருக்க வேண்டும்

அதற்கு முன் விதையிலிருந்து கிளம்பியிருக்க வேண்டும்

அதற்கு முன் வேலிக்குள் இருந்திருக்க வேண்டும்

பழுத்துத் பழுத்துத் தொங்கும் பழங்களை

தின்று கொண்டே

கொட்டைகளைச் சூம்பி விட்டுத்

தூக்கி எறிந்து போகும் மனிதர்களை

சலனமின்றிப் பார்த்துக் கொண்டிருக்கின்றன

சலிப்பைத் தொலைத்து விட்ட பெண்மரங்கள்

*****