உலகைச் சுழல விடுங்கள் எங்கள் தலைவரே
தாமதப்படுத்துவது ஒரு செயல் முறை
பதற்றங்களைக் கொண்டு வந்து குவிக்க
மனதுக்குள் வெடிகுண்டைப் பற்ற வைக்க
கடிகார முட்களைப் பின்னோக்கி
இழுத்துக் கொண்டே இருங்கள்
ஆதாயம் அடைவதற்கான வாய்ப்புகளை
அள்ளித் தெளித்தபடி இருக்கும் பதற்றங்களை
எதிர்பார்ப்பு எனும் கருவியில் நுழைத்து
கண்ணில் படுபவர் மீதெல்லாம்
விசிறித் தெளித்து விட்டுக் கொண்டே இருங்கள்
உங்களைப் பெரியவர் என்று உலகம் சொல்லட்டும்
உங்கள் காலடிகளில் விழுந்து வணங்கட்டும்
பதற்றங்களை உருவாக்குவதை நிறுத்தி விடாதீர்கள்
குரைக்கின்ற நாய்க்கு மதிப்பிருக்கிறது
மின்னலைக் கவனிக்க விரும்பாதவர் கூட
இடிச்சத்தத்தைக் கவனிப்பார்
பதற்றங்களைச் சத்தங்களாக மொழிபெயருங்கள்
ஒரு மைக்கை எடுத்துக் கொள்ளுங்கள்
உலகைச் சுழல விடுங்கள் எங்கள் தலைவே
*****
No comments:
Post a Comment