உங்களுக்கு என் காணிக்கை

உங்களுக்கு என் காணிக்கை

எல்லாருக்கும் வெற்றி பிடித்திருக்கிறது

எப்படி ஜெயித்தாலும் ரசிக்கிறார்கள்

தந்திர வெற்றிகளைச் சாகசமாய் ஏற்றுக் கொள்கிறார்கள்

என் வெற்றி என் ஆசையின் வேட்கை என்பதை

எப்படியோ மறந்து விடுகிறார்கள்

எனது வெற்றி அவர்களின் வெற்றியாக மாறி விடுகிறது

மாறி மாறிப் பந்தயம் வைத்துக் கொள்வதில்

என் வெற்றியின் பின்னாலிருக்கும்

ரகசியங்களையும் சூட்சமங்களையும்

கண்டு கொள்ளாமல் கொண்டாடுகிறார்கள்

அவர்களுக்குத் தேவை சந்தோசம்

அதை என் வெற்றிக் கொடுக்கிறது

அவர்களுக்குச் சந்தோசத்தைக் கொடுப்பதற்காகவே

வெற்றிப் பெறுவதாகச் சொல்வதை நம்புகிறார்கள்

என் வெற்றி என் வேட்கை தணிப்பதையும்

என் சுயநலத்தை அதிகரிப்பதையும்

அவர்களிடம் எப்படிச் சொல்வது

நான் சொல்கிறேன்

இந்த வெற்றியால் ஊரும் உலகமும் நலம் பெறுகிறது

நம் லட்சிய வேட்கை நிறைவேறுகிறது

*****