மனப்பாத்திரத்தில் கொதிக்கின்ற எண்ணெய்
அப்படியே ஏற்றுக் கொள்வது நல்லது
முரண்பாடுகளைச் சந்திக்க வேண்டாம் என்றால்
அதுதான் நல்லது
எந்த நேரத்தில் எந்த முடிவு எடுக்க வேண்டும் என்று
யோசிக்க வேண்டாம் என்றாலும்
அதுதான் நல்லது
பதற்றங்களைப் பார்க்காமல் இருப்பதற்கும்
தடுமாற்றங்களைச் சந்திக்காமல் இருப்பதற்கும்
அதுவே நல்லது
பிரச்சனைகள் உங்களுக்குப் பிடிக்கவில்லையென்றால்
அதை விட நல்லது ஏதுமில்லை
அப்படியே ஏற்றுக் கொள்வதில்
மேலதிக நன்மை ஒன்றும் இருக்கிறது
நீங்கள் எப்படி இருக்க வேண்டும் என்பதையும்
அதுவே சொல்லி விடும்
அப்படியே ஒன்றை ஏற்றுக் கொள்வதற்கு
மனப்பாத்திரத்தில் கொதிக்கின்ற எண்ணெயில்
ஒரு துளி நீர் விழுகையில்
சுர் என்ற சத்தம் எழுப்பாமல் இருக்க தெரிந்திருக்க வேண்டும்
*****
No comments:
Post a Comment