அருகருகே எதிர்நிலையில் நிற்பவர்கள்

அருகருகே எதிர்நிலையில் நிற்பவர்கள்

நீ ஏற்கவில்லை என்பதற்காக

நான் நினைப்பது தவறென்று ஆகி விடாது

உன்னுடைய ஏற்பின்மையை

நான் மறுக்க விரும்பவில்லை

நீ அப்படியே இருந்துகொள்

நான் இப்படியே இருந்து கொள்கிறேன்

என்னை நீ ஏற்கவில்லை என்பதற்காக

நான் உன்னை விரோதியாக்க மாட்டேன்

பதிலுக்கு அதே போல் நீயும் இருந்தால்

எவ்வளவு மகிழ்வேன் தெரியுமா

உன்னை ஏற்காக

என்னை உன் விரோதி என்று கூறித் திரியாதே

என்னைப் பற்றி எப்போதும் சிந்தித்து

எதையாவது உளறிக் கொண்டிராதே

உன்னை நான் எப்போதாவது நினைக்கிறேன்

அப்போதும் கருத்துகளால்

நாம் எதிர்நிலையில் இருப்பதாகவும்

மனிதர்களாக நாம் அருகில் இருப்பதாகவும்

உனக்கும் இந்த உலகுக்கும் கூறிக் கொள்ள விரும்புகிறேன்

*****