சுத்த பேதம்

சுத்த பேதம்

நகரத்தின் இலவச கழிவறை

நாற்றமுடைத்ததாய் இருக்கிறது

கழிவறையைச் சுற்றிலும்

கழிவறை இருக்கைகள் இருந்ததன் தடம்

கண்ணில் தெரியும் முன்

காற்றில் கலந்து கட்புலனில் தெரிகிறது

மக்கள் அசுத்தமுடைத்தோரோ

கழிவறை அசுத்தமுடைத்தோ

இலவசம் அசுத்தமுடைத்தோ

கட்டண கழிவறையின் கல்லாக்கள்

அசுத்த பேதமின்றி நிரம்பிக் கொண்டிருக்கின்றன

சுத்தபத்தமாய்

*****