இசை எதுவும் செய்யாது
காற்றைப் பிரித்து இசை என்கிறார்கள்
இசை
அதிர்ச்சி ஊட்டும் என்கிறார்கள்
ஆச்சரியம் செய்யும் என்கிறார்கள்
சந்தோசம் தரும் என்கிறார்கள்
குணப்படுத்தவும் செய்யும்
என்கிறார்கள்
ஒரு பறவையின் ஓசை
என்னை எதுவும் செய்வதில்லை
அது இசைக்கிறது
நான் கேட்கிறேன்
எல்லாம் முடிந்து விடுகிறது
உண்மையான இசை
உங்களை எதுவும் செய்யாது
*****
No comments:
Post a Comment