மகிழ்ச்சியைப் பூட்டும் கலை
எப்போது கேட்டாலும்
இப்போது அப்பாவிடம் காசில்லை
என்கிறார்
காசிருக்கும் போது சொல்லுங்கள்
அப்பா
கேட்டுக் கொள்கிறேன் என்கிறாள்
பாப்பா
காசிருப்பதைச் சொல்லும் நேரம்
வந்து விடக் கூடாதென்று
பரபரக்கும் அப்பா
ஒவ்வொரு பைசாவையும்
முதலீடாய்ப் பூட்டியபடி இருக்கிறார்
மகிழ்ச்சியின் திறவுகோலை
தேடியபடி இருக்கிறாள் பாப்பா
அப்பாவியாய் அப்பாவிடம்
அப்பா இப்போ காசிருக்கா என்கிறாள்
வந்ததும் சொல்கிறேன் மகளே
என்றபடி
மகிழ்ச்சியின் கதவை
பூட்டியபடி சென்று கொண்டிருக்கிறார்
அப்பா
*****
No comments:
Post a Comment