என்றார் என் நண்பர்!

என்றார் என் நண்பர்!

ஆஸ்பிட்டலில் சேர்த்து ஐந்து லட்சம் செலவாகி விட்டது என்றார்.

அவ்வளவு காஸ்ட்லியான வியாதியை எங்கு விலை கொடுத்து வாங்கினீர்கள் என்றேன்.

அவருக்கு மாரடைப்பு வந்து விட்டது.

*****

கெமிக்கல்ஸ்களைச் சாப்பிடுவதால்தான் நோய் என்கிறார் நண்பர்.

ஆர்கானிக்ஸைச் சாப்பிட்டால் நோய் வராது என்கிறார்.

அப்படியானால் ஆர்கானிக்ஸைச் சாப்பிட வேண்டியதுதானே என்றால் கிடைப்பதைத்தானே சாப்பிட முடியும் என்கிறார்.

இவரெல்லாம் கெமிக்கல்ஸைச் சாப்பிட்டு நோய் வந்தாலும் கெமிக்கல்ஸைத்தான் சாப்பிடுவார். அதாவது நான் மாத்திரைகளைச் சொல்கிறேன்.

*****

ஒரு மழைக்குத் தாங்குதா சார் இந்த ஊர் என்கிறார்.

கவலைப்படாதீர்கள் வடிந்து விடும் என்று ஆறுதல் சொல்லி விட்டு வந்து விட்டேன்.

தங்களுக்கு ஏதேனும் அசௌகரியங்கள் வந்தால்தான் இந்த மக்கள் புரட்சி பூபாளம் பாடுகிறார்கள்.

*****

உங்கள் தொகுதி எம்.எல்.ஏ.வின் பெயர் தெரியுமா என்று கேட்டேன்.

தப்பா நெனைச்சுக்காதீங்க சார், நான் ஜி.கே.வுல வீக் என்கிறார்.

அது சரி, பெயரைத் தெரிந்துவைத்துக் கொண்டு மட்டும்தான் என்னவாகப் போகிறது? அவர் வீக்காக இருப்பதே நல்லது என்று நினைத்துக் கொண்டேன்.

*****