பிரியங்களின் கசாப்புக்கடைக்காரர்
நேற்று நாம் யாருக்கும் தெரியாமல்
சந்தித்தோம்
யாருக்கேனும் தெரிந்தால்
உன்னையோ என்னையோ
நிச்சயம் ஒருவரைக் கொன்று
விடுவார்கள்
சாவில் கூட சேர்த்து கொல்ல
மாட்டார்கள்
நல்லது நாம் யாருக்கும் தெரியாமல்
சந்தித்துக் கொள்வோம்
நாம் ஏன் கொலைகாரர்களை உருவாக்க
வேண்டும்
நம் சந்திப்பின் பிரியங்களை
அவர்களுக்குப் பரிமாற முடிந்தால்
எவ்வளவு நன்றாக இருந்திருக்கும்
ஆடுகள் அளிக்கும் பிரியங்களை
கண்டம் துண்டம் ஆக்கி விடும்
கசாப்புக்கடைக்காரர்களுக்குப்
பிரியங்களின் ஒரு கிலோ அரை
கிலோ பார்சல்களில்
ஓடிக் கொண்டிருக்கிறது வாழ்க்கை
*****
No comments:
Post a Comment