அனுபவ மருத்துவ பாடம்

அனுபவ மருத்துவ பாடம்

எவ்வளவு மருத்துவரைப் பார்த்திருப்பாய்

எவ்வளவு மருந்துகள் உண்டிருப்பாய்

உன் கொழுப்புக்கு அளவு காண முடியுமோ

சுகர் என்றால் என்னவென்று தெரியுமா

என்று கேட்கிறாய்

எனக்கென்ன தெரியும்

அண்ணாச்சிக் கடையில்

அரை கிலோ ஒரு கிலோ வாங்குவதோடு சரி

சுகர் அதிகமானால் மருந்து போட வேண்டும் என்கிறாய்

அண்ணாச்சி போடுகிறாரா இல்லையா என்று தெரியவில்லை

அவரைத்தான் கேட்க வேண்டும்

இந்தப் பிரச்சனை எதற்கென்று

நான் வெல்லத்திற்கு மாறி விட்டேன்

அண்ணாச்சி கேட்கிறார் ஏனென்று

உன்னை அழைத்துச் சென்று

ஒரு நாள் விளக்கம் கொடுத்தால்

அன்றிலிருந்து அண்ணாச்சி சுகர் விற்பதை விட்டு விடுவார்

வருவாயா வந்து சொல்வாயா சொல்

வந்துச் சொல்லி விட்டு

அண்ணாச்சிக்கும் சுகர்

அண்ணாச்சி கடையிலும் சுகர் என்று

கவிதைத் தனமாகக் கிறுக்கித் தொலைந்து விடாதே

உன் கொழுப்பிற்கு அளவேது என்பது ருதுவாகி விடும்

சுகர் அதுவாகச் சேர்ந்தது

கொழுப்பு நீயாகச் சேர்த்தது என்றாகி விடும்

*****