ஆறுக்காகப் போட்ட ஆறு ரூபாய் முதல்
ஆற்றில் தூண்டில் போடுவது
அவ்வளவு ஆனந்தம்
கெழுத்தி மாட்டும்
ஜிலேபி சிக்கும்
விராலும் வசமாய்க் கிட்டும்
கொண்டைகளுக்குக் கணக்கிருக்காது
மீன்காரருக்குக் கொடுக்கும்
ஐம்பதும் நூறும் மிச்சமாகும்
சாம்பலில் தடவி காய வைத்து
விட்டால்
கருவாட்டுக்காரிக்குக் கொடுக்க
வேண்டியதும் மிச்சப்படும்
இப்போதெல்லாம் ஆற்றில் தூண்டில்
போடவா முடிகிறது
கருக்கலைத்த சிசு வந்து சிக்குகிறது
அடிக்கடி
போலீஸ் கேஸில் பிடித்து விடுவார்களோ
என்று
பயமாக அல்லவா இருக்கிறது
வாங்கி வைத்த தூண்டில் அப்படியே
இருக்கிறது
ஒரு நல்ல ஆறு கிடைத்தால்
தேவலாம்
தூண்டில் வாங்க போட்ட ஆறு
ரூபாய் முதல்
வீணாகி விடக் கூடாது பாருங்கள்
*****
No comments:
Post a Comment