கம்பெனியின் லாப ரகசியம்

கம்பெனியின் லாப ரகசியம்

எவ்வளவு குறைவாகச் செய்ய முடியுமோ

அவ்வளவு குறைவாகச் செய்வதற்குக் கூட்டணி

ஒருவர் நலனில் மற்றொருவருக்கு அவ்வளவு அக்கறை

ஏமாற்றுவது வெளியில் தெரிந்தால்

கூடி வந்து காப்பாற்ற கூட்டம் வேண்டுமே

கூடி நின்று பேசுவதற்குக் கணிசமான நேரம் ஆனால்

வேலை நேரமும் கணிசமாகக் குறைந்து விடுமல்லவா

ஆகவே கூடிப் பேசுதல் என்பது

ஒரு மாங்காயில் இரண்டு தேங்காய் போல

எப்படியோ ஒவ்வொரு நாளையும் ஏமாற்றி

சாமர்த்தியமாக வீடு வந்தால்

உழைத்த களைப்பின்றி வீட்டு வேலைகள் பார்க்கலாம்

வீட்டு வேலைகள் பார்த்தால் வீட்டை உயர்த்தலாம்

அலுவலக வேலை பார்த்து

அலுவலத்தை உயர்த்த முடியுமோ சொல்லுங்கள்

அப்படியே நாற்பது வருடம் நாற்காலி தேய்த்தால்

நாற்காலிக்கு மட்டும் தேய்மானம்

வேலை பார்த்திருந்தால் அத்தனை கருவிகளுக்கும் தேய்மானம்

கம்பெனிக்கு லாபமில்லை என்று சொல்ல முடியாது

ஒருவர் ஓய்வு பெற்றால்

ஒரு நாற்காலி மட்டும் மாற்றினால் போதுமானது

இருவர் ஓய்வு பெற்றால்

இரண்டு நாற்காலிகள் மாற்றினால் போதுமானது

*****