செருப்புக்காரர்
வாசலெங்கும் செருப்புகள்
விஷேசமாக இருக்குமோ
வீட்டுக்காரரைக் கேட்டால்
அப்படி ஏதுமில்லை என்கிறார்
நடைபயிற்சிக்கு ஒரு செருப்பு
என்கிறார்
கழிவறைக்கு ஒரு செருப்பு
என்கிறார்
வரவேற்பறைக்கு ஒரு செருப்பு
என்கிறார்
சமையலறைக்கு ஒரு செருப்பு
என்கிறார்
பூசையறைக்கு ஒரு செருப்பு
என்கிறார்
சேமிப்பறைக்கு ஒரு செருப்பு
என்கிறார்
கடைக்குச் செல்ல ஒரு செருப்பு
என்கிறார்
அலுவலகத்துக்குச் செல்ல ஒரு
செருப்பு என்கிறார்
வேடிக்கை பார்க்க செல்ல ஒரு
செருப்பு என்கிறார்
கோயிலுக்குச் செல்ல ஒரு செருப்பு
என்கிறார்
எல்லா இடத்திற்கும் ஒரே செருப்பு
என்றால்
கண்டுபிடித்து விடுவார்கள்
என்கிறார்
சரிதான் உங்கள் செருப்பு
உங்கள் கால்
ஒவ்வொரு செருப்புக்கும்
ஒவ்வொரு காலா ஒரே காலா என்றால்
சிரிக்கிறார்
*****
No comments:
Post a Comment