எட்டு ஊர் தண்ணீர்

எட்டு ஊர் தண்ணீர்

சென்னைக்குப் போனது

சித்தப்பாவின் மகள் திருமணத்துக்கு

மதுரைக்குப் போனது

மாமா பெண்ணின் மஞ்சள் நீராட்டுக்கு

நாகர்கோயில் போனது

நார்த்தனாரின் பிரசவத்துக்கு

ஓசூர் போனது

ஓர்ப்படியாள் கிரகப் பிரவேசத்துக்கு

திருப்பதி கூட போயிருக்கிறேன்

தேவியக்காவுக்குத் துணையாக

திருக்கடையூருக்கு

பெரியப்பா அறுபதாம் கல்யாணத்துக்கு

சமைத்துப் போட

எல்லாம் ஊரும்தான் போயிருக்கிறேன்

எல்லா ஊரிலும் வீடும் அறையும்தான் இருக்கிறது

சமைக்க சாமான்களும்

அலம்ப பாத்திரங்களும் அன்றி வேறென்ன இருக்கிறது

*****