உங்களைப் பற்றி எழுத

உங்களைப் பற்றி எழுத

என்னைப் பற்றி எழுதுங்கள் என்று

நிறைய பேர் சொல்கிறார்கள்

எழுத ஊக்கப்படுத்தும் வண்ணம்

பொருட்காட்சியில்

பத்து ரூபாய்க்கு மூன்று பொருட்கள்

நான்கு செட் வீதம் வாங்கித் தருகிறார்கள்

ஐந்து ரூபாய் பேனா ஒன்றை

நான்கு ரீபிள்களோடு

ரோக்கா எழுதும் பேப்பர் ஒரு பண்டலோடு

எல்லாம் வாங்கித் தருகிறார்கள்

ரோட்டுக் கடையில் சோளப்பொறி

தள்ளுவண்டியில் பானிப்பூரி

அப்படியே விடை பெறும் போது

சுற்றத்தாருக்குக் கொடுக்க

சூடான சமோசா பத்து

எல்லாம்தான் வாங்கித் தருகிறார்கள்

வீட்டில் வந்து எழுத ஆரம்பித்தால்

அவர்கள் வாங்கித் தந்த பொருட்கள்

தொண்ணூற்று ஏழு ரூபாய் ஐம்பது பைசா

ரௌண்டாக நூறு ரூபாய்க்கு வாங்கித் தராதவர்கள்

என்று கணக்கெழுதுவதோடு எல்லாம் முடிந்து போகிறது

*****