மழை நேசம்
எல்லாருக்கும் மழை பெய்கிறது
நாம்தான் வீட்டைக் கட்டி
வைத்து
நனையாமல் இருந்து விடுகிறோம்
குடை பிடித்துக் கொண்டு
நனையாமல் போகிறவர்கள் இருக்கிறார்கள்
மழையாடை அணிந்து கொண்டு
நனையாமல் போகிறவர்களையும்
குறிப்பிட வேண்டும்
நனைய விருப்பமில்லாத சிலர்
காரில் போகப் பிரியப்படுகிறார்கள்
நனைவதில் விருப்பம் உள்ளவர்கள்
பொதுத்துறை பேருந்துகளில்
போகிறார்கள்
இரு சக்கர வாகனங்களில் விரைபவர்கள்
நனைவதில் பிரியம் உள்ளவர்கள்
நடைபாதையில் நனைந்தபடி சென்றால்
மழையின் ஸ்பரிசங்களை நேசிப்பவர்கள்
நனைய மறுப்பவர்களை விட்டு
விடலாம்
மூக்கிலிருந்து மழை பெய்வதை
விரும்பாதவர்கள் அவர்கள்
*****
No comments:
Post a Comment