மரமன்றோ எல்லாம்

மரமன்றோ எல்லாம்

எவ்வளவு இலைகள் கொட்டுகின்றன

வெட்டி விட்டால் தேவலாம் என்றால்

நிழலுக்கு எங்கே போவது

ஒரு செட்டைப் போட்டுக் கொள்ளலாம் என்கிறார்கள்

செட்டைப் பிரித்து விற்றால்

மரம் போல விலை போகுமா

சமீபமாய் ஒரு மஞ்சள் துணி கட்டியதும்

வந்து போவோர் எண்ணிக்கை அதிகரித்திருக்கிறது

ஒரு நல்ல நாள் பார்த்து உண்டியல் வைத்து விட்டால்

வருமானமும் கணிசமாக இருக்கும்

நாளானால் கூட்டுவதற்கு ஆள் வருவார்கள்

செட் போட்டுத் தரக் கூட ஆள் கிடைப்பார்கள்

வீட்டுக்கொரு மரம் வளர்க்க வேண்டும்

ஏனென்று தெரிகிறதா

நான்கு மரங்கள் நின்றிருந்தால்

எந்த மரமும் சாமியாகாது

மரங்களை வெட்டக் கூடாது புரிகிறதா

இருக்கின்ற ஒன்றையும் வெட்டி விட்டால்

இன்னொன்றை நட்டு வளர்ப்பதற்குள்

நான்கு காம்ப்ளக்ஸ் கட்டி விடுவார்கள்

சாமிக்கு வரும் வருமானம் ஆசாமிக்குப் போய் விடும்

யாரும் சட்டென மரத்தடி சாமியாராக முடியாது

எதற்கும் பார்த்துச் செய்யுங்கள்

*****