டாட்டா சொல்ல யாருமில்லாத போது

டாட்டா சொல்ல யாருமில்லாத போது

யாருக்கு நான் டாட்டா சொல்வது

டாட்டா சொல்ல யாருமில்லாத போது

மரங்கள் கிளைகளை அசைக்கின்றன

இலைகளைக் கைகள் போல் ஆட்டுகின்றன

பறவைகள் சிறகுகளை அசைக்கின்றன

தூசுக்கள் அசைப்பது போலப் பறக்கின்றன

புகையின் வளைவு நெளிவில் ஏனோ

அச்சு அசல் அசைப்பின் தோற்றம்

எப்போது சில நேரங்களில்

யாருக்கோ டாட்டா சொல்லும்

குழந்தையின் டாட்டா

எனக்கும் கொஞ்சம் சிந்தி விடுகிறது

நான்தான் பொறுக்கி எடுத்துக் கொள்ள

நேரமில்லாமல் பறந்து கொண்டிருக்கிறேன்

உண்மையைச் சொல்ல வேண்டும் என்றால்

யாரும் எனக்கு டாட்டா சொல்வதில்லை

என்று வருந்தும் நான்

எனக்கு நானே கூட டாட்டா சொல்லிக் கொள்வதில்லை

*****