வானிலைக் கணிப்பாளர்கள்
மழையைக் கணிக்கிறேன் என்று
ஆளாளுக்குக் கிளம்பியிருக்கிறார்கள்
வாட்ஸ்அப்பை விடாது நனைக்கிறார்கள்
பிக் பிரேக்கிங் என்று போட்டு
மேகத்தை நகர்த்துகிறார்கள்
காற்றை திசை திருப்புகிறார்கள்
இப்போது மழை பெய்யும் என்கிறார்கள்
இப்போது வெயில் அடிக்கும்
என்கிறார்கள்
புயல் வர இருபத்து மூன்று
மணி நேரம்
ஐம்பது நான்கு நிமிடம் இருபத்தேழு
நொடிகள்
இருக்கிறது என்று துல்லியம்
சொல்கிறார்கள்
எவ்வளவு சொல்கிறார்கள்
நுட்பம் காட்டுகிறார்கள்
எந்தக் குழந்தையாவது நம்புகிறதா
பாருங்கள்
சமத்துகள் எல்லாம்
கலெக்டர் லீவ் விட்டாரா என்று
கேட்கிறதுகள்
*****
No comments:
Post a Comment