நல்ல வண்ணம் வாழ சில குறிப்புகள்

நல்ல வண்ணம் வாழ சில குறிப்புகள்

ஏன் அழ வேண்டும்

கண்களில் கோர்த்துக் கொண்ட நீர்

வெளியேறுவது எப்படி

காலில் விழுவதால் தவறொன்றும் இல்லை

அன்றொரு நாள் உடற்பயிற்சிக்கு உத்திரவாதம்

கண்டபடி ஏசுவதைப் பொருட்படுத்த வேண்டாம்

ஒருவரின் மனபாரம் அப்படியாவது இறங்கட்டும்

காறித் துப்புவதால் ஒன்றும் கெட்டு விடாது

சளியைத் துப்பித் தொலைவதற்கு வாய்ப்பு உண்டாகட்டும்

செருப்படி என்றால்

அதன் பலத்தைச் சோதித்தறிய ஒரு சம்பவம்

விளக்குமாறு என்றாலும் பிரச்சனையில்லை

கடைக்காரருக்கு புது விளக்குமாறு போனியாகட்டும்

அவமானங்கள் அத்தனையும் உரங்கள்

உரமிடுபவருக்கு ஏன் எதிர்ப்பு தெரிவிக்க வேண்டும்

சந்தோஷமாய்த் தூங்குங்கள்

அசிங்கத்தை நினைக்காது சிரியுங்கள்

காலையில் எழுந்ததும் மலம் கழித்தாக வேண்டும்

பாவம்தான் டாக்டர்

டாக்டர் செலவு மிச்சமாகி விடுவதால்

அவரிடம் மட்டும் மன்னிப்புக் கேட்டுக் கொள்ளுங்கள்

மற்றபடி என்ன இருக்கிறது

மண்ணில் பூமியில் ஊரில் உலகத்தில் நல்ல வண்ணம் வாழ

*****