வயதுகளின் வரிசை
இரண்டு முயல்கள் வளர்த்தோம்
இரண்டு முயல்களும்
மாதம் தவறாது இரண்டு குட்டிகள்
ஈன்றன
ஈன்ற இரண்டு குட்டிகளும்
மாதம் தவறாது இரண்டு குட்டிகள்
ஈன்றன
ஈன்ற குட்டிகளின் ஈன்ற குட்டிகளும்
மாதம் தவறாது இரண்டு குட்டிகள்
ஈன்றன
இரண்டு நான்கானது
நான்கு எட்டானது
எட்டு பதினாறானது
வாங்கி வந்த முதலிரண்டு முயல்கள்
இப்போது எதுவென்று தெரியாது
போனாலும்
இப்போதும் வாலிபமாய் இருக்கின்றன
குட்டிகளைப் பார்த்து பார்த்து
பாவம் பண்ணைக்காரர்கள் நாங்கள்
வயதாகிப் போனோம்
*****
No comments:
Post a Comment