தீர்த்த கரையினிலே சினிமாவின் தெற்கு மூலையிலே

தீர்த்த கரையினிலே சினிமாவின் தெற்கு மூலையிலே

டாட்டூ குத்தாதே

அழிக்க முடியாது என்றாய்

இதயத்திலிருந்து அழித்த பிறகு

டாட்டூ என்ன டாட்டூ

அட போ பைத்தியமே

ஆயிரம் டாட்டூ குத்தி

ஆயிரத்தையும் அழித்தால்

பரணி பாடலாம் தெரியுமோ

*

நானென்றால் சமந்தாவைப் பிரிந்திருக்க மாட்டேன்

நாக சைதன்யா பிரிந்து விட்டார்

பிரிவில் நிம்மதியும் அமைதியும் தேடுபவர்கள்

முன்பு சேர்வதில் சந்தோஷத்தைக் கண்டவர்கள்

*

வாழ்க்கையை எட்டு எட்டாகப் பிரித்துக் கொள்ளச் சொல்வார் வைரமுத்து

எட்டாம் வாய்பாடு தெரிந்தவர்கள் அப்படியே பிரித்துக் கொள்ளலாம்

தெரியாதவர்கள்

ஒவ்வொரு எட்டிலும் ஒரு அரையைக் குறைத்துக் குறைத்துப் பிரித்துக் கொள்ளலாம்

*

பார்த்திபன் வித்தியாச வித்தியாசமாகப் படம் எடுக்கிறார்

நாம் வித்தியாசங்களைக் கண்டு கொள்ளாமல்

மசாலாவைத் தேடி ஓடிக் கொண்டிருக்கும் மக்கள்

கொஞ்சம் வித்தியாசமான மசாலா கொடுங்கள் பார்த்திபன்

நன்றாகச் சாப்பிடுவார்கள் நம் மக்கள்

உள்ளே வெளியே என்று அலைவார்கள்

*****