என்னவாகியிருக்கும் நினைத்துப் பாருங்கள்

என்னவாகியிருக்கும் நினைத்துப் பாருங்கள்

ஜோசியர்கள் மட்டும் இல்லையென்றால்

நினைத்துப் பார்க்கவே

பயமாக இருக்கிறது

உங்களுக்கு

எனக்கு

யாருக்கும்

ஜாதகமே எழுதியிருக்க மாட்டார்கள்

கல்யாண வயதில்

ஜாதகம் பார்க்க முடியாமல்

கல்யாணங்கள் இல்லாமல் போய்

நகைக்கடை

புடவைக்கடை

கல்யாண மண்டபங்களில் முதல் போட்டவர்கள்

திவால் ஆகியிருப்பார்கள்

எங்கள் ஊரில் இல்லாது போனாலும்

பக்கத்து பக்கத்து ஊரில்

இரண்டு மூன்று ஜோசியர்கள் இருப்பது

ஆறுதல் அளிக்கும் சங்கதி அன்றோ

அவர்களால் அன்றோ

ஊரில் இருப்போர்

கட்டைப் பிரம்மசாரிகளாக ஆகாமல்

சம்சாரிகளாகின்றோம்

குழந்தைகளைப் பெற்றுத் தள்ளுகின்றோம்

ஜோசியர்களுக்கு எப்போதும்

என் அநேக வந்தனங்கள்

என் கல்யாண தசையைச் சீக்கிரம் கணித்து

எனக்குக் கல்யாணம் செய்வித்த

அவர்கள் இல்லையென்றால்

எனக்கொரு மனைவி இருந்திருப்பாளோ

உங்களுக்கு உங்கள் மனைவியோ கணவரோ

பெற்றுத் தந்த ஜோசியருக்கு

எப்போதும் நன்றி சொல்லுங்கள்

கணவர் மனைவியர் ஆக்கித் தரும்

ஜோசியர்களுக்கு எல்லாரும் நன்றி சொல்வோம்

ஜோசியர்களே ஜோசியர்களே

எங்கள் நன்றிகளை ஏற்றுக் கொள்ளுங்கள்

ஜாதகம் பொருத்தம் பார்க்க

நூறு ரூபாய் மட்டும் வாங்கிக் கொள்ளுங்கள்

*****