எடிசனுக்குப் பின் என் ஆராய்ச்சி

எடிசனுக்குப் பின் என் ஆராய்ச்சி

இரவில் நன்றாக உறங்கிக் கொண்டிருக்கும் போதுதான்

எழுப்பி விட்டு

லைட்டை ஆப் பண்ணி விட்டு வந்து படு என்கிறார்கள் படுபாவிகள்

நன்றாகத் தூங்குவதில்

எத்தனை பேருக்கு வயிற்றெரிச்சல் என்று

வயிற்றில் பொங்கும் அமிலத்தைப் பொருட்படுத்தாது

மனதில் தெறிக்கும் வெறுப்பை வெளிக்காட்டாது

எழுந்து சென்று ஆப் செய்ய வேண்டியிருக்கிறது

பிறகு லைட்டையும் ஆப் செய்து விட்டு

இருட்டில் நெடுநேரம் விழித்துக் கொண்டிருக்க வேண்டியிருக்கிறது

உறங்கிக் கொண்டிருப்பவரை எழுப்பி விட்டால்

அதற்குப் பின்பு அந்த இரவு அவருக்கு

உறக்கம் வராத இரவுதான்

ஆம்

அந்த இரவில் லைட் உறங்கி விடுகிறது

எழுப்பி விட்டவர் உறங்க முடிவதில்லை

உறக்கம் வராத அந்த இரவில்

லைட்டைக் கண்டுபிடிக்க பத்தாயிரம் ஆராய்ச்சி செய்த

எடிசன் போல ஆராய்ச்சி செய்து கொண்டிருக்கிறேன்

எதற்காக ஒவ்வொரு இரவும்

உறங்கிக் கொண்டிருக்கும் என்னை எழுப்பி

எரிகின்ற லைட்டை ஆப் செய்ய சொல்கிறார்கள்

லைட்டை ஆப் செய்வது அவ்வளவு பெரிய வேலையா

இல்லையில்லை

ஒருவரின் உறக்கத்தைக் கெடுப்பது அவ்வளவு சிறிய வேலையா

*****