அடிக்குறாங்கம்மா பள்ளியோடத்துல…

அடிக்குறாங்கம்மா பள்ளியோடத்துல…

பள்ளிக்கூடம் போக பயமா இருக்கும்மா

பயப்படாம போடா

அடிக்குறாங்கம்மா

அடிக்குற மாதிரி நடந்துக்காதடா

இல்லம்மா எனக்குப் பயமா இருக்கும்மா

இப்போ கௌம்புறீயா இல்லியா எங்கிட்டு அடி வாங்குறீயா

உங்கிட்ட வாங்குற அடிக்கு அங்க வாங்குற அடியே மேல்

கௌம்புடா செல்லம் கௌம்புடா

அடிபடுவனுக்குத்தானே தெரியும் அசிங்கம்

ரெண்டு அடி வாங்குறதுல கொறைஞ்சு போயிட மாட்டே

எல்லாம் என் தலையெழுத்து

தலையில் அடித்துக் கொண்டு கிளம்புறப்போ

போறப்போ நம்ம ஐயன் சாமிகிட்டெ

இன்னிக்கு உன்னைய யாரும் அடிக்க கூடாதுன்னு வேண்டிக்கோங்குது

அம்மாவோட குரல்

யாரந்த பையன் யாரந்த அம்மா

அந்தப் பையன் ஏன் தமிழ்நாட்டில்ல ஓர் ஆசிரியரா இருக்கக் கூடாது

அம்மா சாட்சாத் அந்த ஆசிரியரின் அம்மாவா ஏன் இருக்கக் கூடாது என்றால்

அப்படியும் இருக்கலாம்

அப்படி இல்லாமல் இருந்தால் ரொம்ப சந்தோஷங்றேன்

அப்படிப்பட்ட சந்தோஷம் இங்க கிடைக்குமாங்றேன்

*****