அஞ்சி ஒடுங்கும் வாழ்வு

அஞ்சி ஒடுங்கும் வாழ்வு

நரிகளோடு பழகுவதில் பயமில்லை

புலிகளோடு பழகுவதிலும் பயமில்லை

சிங்கத்திடமும் சிறுத்தையிடமும்

பயம் கொள்ள ஏதுமில்லை

பாம்புகளிடமும் பூரான்களிடமும்

பழகுவதிலும் பயம் என்ன வேண்டிக் கிடக்கிறது

முதலைகள் வாய் திறக்கும் போதும்

திமிங்கிலங்கள் விழுங்க நினைக்கும் போது

பயப்படுவதற்கு ஏதுமில்லை

இரண்டாகப் பிளந்து பூமி உள்ளிழுத்துக் கொள்வதிலும்

விரிசல் விழுந்து வானம் தலையில் விழும் போதிலும்

காற்றில் பிண்டங்கள் கண்டம் கண்டங்களாகப்

பிய்த்து வீசப்படும் போதிலும்

பயப்பட ஒன்றுமில்லை

சுயநல மனிதர்களிடம் பழகும் போது மட்டும்

பயப்படாதிருக்க முடியுமோ

எந்த திசையினின்றும் எந்த மிருக குணத்தினின்றும்

எந்த வடிவத்தினின்றும் எப்படி வேண்டுமானாலும்

வந்து வந்துத் தாக்கக் கூடும்

சுயநலம் மிக்க மனிதர்களின் நாக்கும் நோக்கும்

அஞ்சித்தான் வாழ வேண்டியிருக்கிறது

அஞ்சாமல் வாழ்வதில் அர்த்தம் ஏதுமில்லை

பயப்பட பாக்கியம் செய்து கொடுத்தோருக்கு

நன்றி சொல்லி சொல்லி

பயந்தபடி வாழ்வதன்றி வேறொரு வழியுண்டோ

வாழ்க்கைத் தெருவில் சம்பவச் சந்துகளில்

*****