எழுத்தெனப்படுவது

எழுத்தெனப்படுவது

இங்க் பேனாவை உச்சி முகர்ந்து

பேசிக் கொண்டிருப்பவர்கள்

எழுத்தாணியில் உச்சி முகர்ந்து

எழுதியதை அறியாதவர்கள்

பால் பாயிண்ட் பேனாவில் எழுதுவதில்

என்ன பரவசம் இருக்க முடியும் என்பவர்கள்

தட்டச்சு செய்து பழக்கப்பட்டவர்கள்

தட்டச்சும் பெரிய பிராமதம் இல்லை என்பவர்கள்

குரல் வழி எழுதும் செயலியில் பழக்கப்பட்டவர்கள்

எதில் எழுதினால் என்ன

எழுதப்படுவதில் என்ன இருக்கிறது

எழுதப்படும் மனம் பிரதானம்

அன்றொரு நாள் மனதால் எழுதிய

அழகிய கவிதையை

ஆழ்மனதில் அமிழ்ந்த கதையை

உணர்ச்சிப் பொங்கிய ஒரு பத்தியை

எவ்வளவு முயன்றும்

மற்றொரு நாள் எழுத முடியவில்லை

எழுதப்படுவதில் என்ன இருக்கிறது

எழுதும் மனதில் இருக்கிறது எல்லாமும்

*****