நட்சத்திரக் கணக்குகள்

நட்சத்திரக் கணக்குகள்

நேற்றுப் பார்த்த வானத்தினின்று

இன்று சில நட்சத்திரங்கள் குறைந்திருக்கின்றன

நாளை இன்னும் பல நட்சத்திரங்கள் தோன்றக்கூடும்

வேறு பல மறையக்கூடும்

நட்சத்திரக் கணிப்பின் ஊடே

வாழ்க்கையைக் கணிக்க முற்படும் காலக்கணிதர்

நிகழ்வுகள் சிலவற்றை உருவாக்கக் கூடும்

நிகழ்வுகள் சிலவற்றை மறைக்கக் கூடும்

உருவாக்கிச் சொல்லும் நிகழ்வுகளுக்கு ஏற்ப

நட்திரங்கள் தோன்றாமல் போகலாம்

மறைந்து விட்ட நிகழ்வுகளை வெளிக்காட்டுவது போல

நட்சத்திரங்கள் தோன்றக் கூடும்

வானில் நட்சத்திரங்களின் எண்ணிக்கை

அப்படியே இருக்குமோ

கூடிக் குறையுமோ

குறைந்து கூடுமோ

நட்சத்திரங்கள் தோன்றவுமில்லை மறையவும் இல்லை

நட்சத்திரங்கள் அப்படியே இருக்கின்றன

கண்ணுக்குத் தெரிபவற்றைக் கொண்டு

கணக்குகள் அமைகின்றன

*****