விளம்பர வாழ்க்கை

விளம்பர வாழ்க்கை

கறை நல்லதென்றால்

உதவாக்கரையும் நல்லதுதான்

அந்த ஆயில் தடவினால் முடி கொட்டாது என்றால்

ஆயில் தடவாத சடை நாய் பற்றி என்ன சொல்வீர்கள்

பஜ்ஜி சாப்பிடுவோர் சருமத்திற்காக

ஒரு சோப்பு உள்ளதென்றால்

போண்டா சாப்பிடுவர்களுக்கான

சோப்பொன்றும் உள்ளதென்று அறிக

ஆர்வமுடன் விளம்பரங்களை ரசிப்பவர்கள்

புகைப் பிடித்தால் புற்றுநோயை உருவாக்கும் என்றால்

சும்மா நிறுத்துடா என்கிறார்கள்

குடி குடியைக் கெடுக்கும் என்றால்

எல்லாம் எங்களுக்குத் தெரியும் என்கிறார்கள்

கட்டணக் கழிவறையில் சிறுநீர் கழிக்க

ஐந்து ரூபாய் வேண்டும்

அருகிலிருக்கும் தேநீர்க் கடையில்

பானம் அருந்த ஏழு ரூபாய் வேண்டும்

இடைபடும் இரண்டு ரூபாயில்

முகம் பல மாறி விரும்பி சுவைக்கும்

பாக்கொன்றை வாங்கி வாயில் போட்டுக் கொள்ளலாம்

*****