தேநீர்த் தவம்

தேநீர்த் தவம்

அலைந்தபடி இருக்கும் தெருநாய்

காகிதக் கோப்பையில் வைக்கும் தேநீரை

நாவின் நுனியில் தொட்டு

சூடு பார்க்கிறது

ஆற்றி வைக்கப்பட்ட தேநீர் என்று அறிந்த பின்

நாவைச் சுழற்றி சுழற்றி

நக்கிக் குடிக்கும் அதன் வேகத்தில்

பெரும்பசியின் அகோரம் தெரிகிறது

 முழுக்கோப்பையையும் காலி செய்த அதன் வேகத்தில்

இன்னொரு கோப்பை தேநீர் கிடைக்குமா என்ற

ஏக்கம் வெளிப்படுகிறது

மாஸ்டர் இன்னொரு டீ என்று ஒலிக்கும் குரலில்

நாய் என்ன புரிந்து கொண்டதோ

காலிக் கோப்பையை ஆவலுடன் பார்க்கத் தொடங்குகிறது

*****

நன்றி : ஆனந்த விகடன் (06.04.2022)

*****