மனக்கடலின் பாக்கியவான்
கடல் ஓயாது அலைகளை அனுப்பிக்
கொண்டிருக்கிறது
வானும் நிலாவின் ஒளியை அனுப்பிக்
கொண்டிருக்கிறது
ஒளி ஓய்ந்தாலும் ஒலி ஓயாது
போலும்
அமாவாசை நாளில்காணாத நிலவொளிக்கும்
சேர்த்து
கடல் அலைகளை அனுப்பிக் கொண்டிருக்கிறது
அலைவுறும் மனதுக்கு அலைவுறும்
கடல்
அமைதியைத் தந்தபடி இருக்கிறது
கரையைத் தொடுவதும் விலகுவதுமாக
மாறி மாறி இயங்கும் அலைகள்
காலந்தோறும் கரையோடுதான்
இருக்கின்றன
காவலர் என்னவோ
நள்ளிரவு மணி பனிரெண்டைத்
தாண்டினால்
போ போ என்றும்
கிளம்பு கிளம்பு என்றும்
விரட்டுவதில்
விலகுவதும் விரட்டிய பின்
வந்து சேர்வதும்
கடலலைகள் போலத்தான் மனவலைகளும்
தினம் தினம் வந்துப் பார்த்து
விட்டுப் போகும்
தூரத்தில் கடல் அமையப்பெற்றவர்
பாக்கியவான் அன்றோ மனக்கடலே
*****
No comments:
Post a Comment