கணக்குப் புத்தகத்தின் விவரங்கள்
குற்றங்களை நீட்டி முழங்க
தயாராக இருக்கிறார்கள்
நன்மையை நாம்தான் புரிந்து
கொள்ள வேண்டும்
சாணைக்கல் சிராய்க்காமல்
கத்தி பிரகாசம் அடைய முடியாது
விமர்சனங்கள் வெற்றியைத்
தாமதப்படுத்தலாம்
நிறுத்தி விடாது
பிறப்பென்பது பிரச்சனைகளைச்
சந்திப்பதற்காக
எண்ணிக்கையில் குறைவான பிரச்சனைகள்
இறப்பைப் பெருமை செய்யாது
வரலாற்றின் நினைவுகளில்
தோல்வியைச் சந்தித்து மீண்டவர்கள்
நிறைந்திருக்கிறார்கள்
நெப்போலியனின் வெற்றிகளைப்
போல
லிங்கனின் தோல்விகளையும்
சரித்திரம் கணக்கில் வைத்திருக்கிறது
வெற்றியோ தோல்வியோ
எதிர்கொள்வதன் சாரம் காலக்கோட்டில்
இணைகிறது
குறை சொல்பவர்கள் சொல்லட்டும்
எதிர்கொள்பவர்கள் மட்டுமே
எப்போதும்
கணக்கில் கொள்ளப்படுகிறார்கள்
அவரவர் கணக்கைத் தொடங்க வேண்டிய
நேரம்
காத்துக் கொண்டிருக்கிறது
*****
No comments:
Post a Comment