பெயர் ஒன்று உண்டு

பெயர் ஒன்று உண்டு

ஒரு ஜாம்பியோ டிராகுலாவோ

எதுவென்று தெரியாத ஒன்று என்னைக் கடித்தது

கடித்தலின் தொடர்ச்சியாக

பலரை நான் கடித்து வைக்கத் தொடங்கினேன்

கடிபட்டவர்கள் ஒவ்வொருவரும்

இன்னொருவர் இன்னொருவர் என்று

பலரைக் கடித்து வைக்க

இந்த உலகம் ஜாம்பிகளின் உலகமாகவோ

டிராகுலாவின் உலகமாகவோ ஆனது

என்னைக் கடித்த ஜாம்பியோ டிராகுலாவோ

எதுவென்ற தெரியாத அதை

ஒருநாள் எதேச்சையாய்ச் சந்தித்த போது

பெயர் என்னவென்று கேட்டேன்

சுயநலம் என்றது

சத்தியமாக உன் பெயர் ஜாம்பி இல்லையா என்றேன்

இல்லை என்றது

சத்தியமாக உன் பெயர் டிராகுலாவும் இல்லையா என்றேன்

இல்லை என்றது

சத்தியமாகத் தன் பெயர் சுயநலம்தான் என்றது

*****